Merkezê Xeberan- Îşxalê dewleta tirkîya ya vera herêma Serêkanî de bi hezaran hemwelatîyî mecbur mendî ke koç bikê û bi seyan kesî zî wefat kerdî.
Îdareyê Xoserî yê Vakur û Rojhelatê Sûrîye seba multecîyan 64 ra zêdêr merkezî awan kerdî.
Îdareyê Xoserî nêzdîyê şaristanê Hesekê de kampêka newîye ya bi nameyê Waşokanî awan kerd.
Rojanê peyênan de grûbê neweyî ameyî kampe û bi nê hewaya hûmara multecîyana kampe bîye 5 hezar û 700.
Îdarekarê Kampa Waşokanî Hesen Ehmed Yûsifî îfade kerd ke hûmara multecîyan her roje benê zêde û kampe de îmkanî zaf tay ê.