Herêma Kurdisanî de vizîr ra nata 12 nêweşê COVID-19î merdî û 267 kesî zî bi nê vîrusî kewtê
Wezaretîya Weşîye ya Herêma Kurdistanî aşkere kerd ke, mîyanê 24 saetanê peyênan de 2 hezar û 426 kesan rê testê korona ameyo kerdene.
Gorê beyanatê Wezaretî Weşîye 267 kesanê bînan de vîrusê COVID-19î ameyo tespîtkerdene, 31 kesî Hewlêr de, 129 kesî Silêmaniye de, 78 kesî Germiyan de, 20 kesî Raperîn de, 7 kesî Helebce û 2 kesî zî Duhok de nêweş kewtê.
Heto bîn ra Herêma Kurdistanî de vizîr ra nata 12 kesî rîyê janê korona ra merdê. Hewlêr de, Silêmaniye de 8 û 2 Germiyan de 2 tenî merdî.
Herêma Kurdistanî de heta nika 7 hezar û 315 kesî bi COVID-19 kewtê û 252 kesî rîyê korona ra merdê. 2 hezar û 692 kesî zî baş bîyê.