Li gor daxuyanîya Wezareta Tendirustîya Herêma Kurdistanê, di 24 demjimêrên derbasbûyî de 2 hezar û 296 pişkinînên nû yên vîrusa Koronayê hatine kirin, ku encamên 404 ji wan pişkinînan pozîtîv derketine û bi COVID-19 ketine.
Wezareta Tendirustîya Herêma Kurdistanê dîyar kirîye, kesên ku herî dawî û di nav rojekê de bi koronayê ketine, 218 kes ji wan li Hewlêrê ne, 33 kes li Silêmanîyê, 101 kes li Duhokê û 21 kes jî li Helebceyê ne.
Herwiha kesên ku jîyana xwe ji dest dane jî, 6 kes li Hewlêrê û 5 kes li Silêmanîyê bûye.
Heta niha li Başûrê Kurdistanê 216 hezar û 172 testên taybet bi vîrusa Koronayê hatine kirin, û encamên pişkinînên 15 hezar û 577 kesan pozîtîv bûye, ku 9 hezar û 711 kes heta niha baş bûne û 597 kesan jî jîyana xwe ji dest dane.
Ji alîyê din wezaretê hişyarî da ku kes bila bê mask û destik dernekeve devre, ji cihen qelebalix dûr bikevin