Vizêr vajîyabi ke çend parlementerê AKP waştê wa Serekwezîro verên Ahmet Davutoglu AKP ra bêro îxrackerdiş. Nê waştişê AKPyijan ser o parlementerê AKP yo verên Talha Erol Durmazî partîya xo AKP ra îstîfa kerd.
Parlementerê AKP yo verên Talha Erol Durmazî hesabê xo yê Facebookî ser ra beyanat da û va: Mi partîya xo AKP ra îstîfa kerda.
Talha Erol Durmazî beyanatê xo de va: Tayn bo zî mi mîyanê AKP de sîyaset kerd. Seba ke wazenê Prof Dr. Ahmet Davutoglu AKP ra îxrac bikê, zehf zora mi şîya. ez wina yew muamele qebûl nêkena. Aye ra mi AKP ra îstîfa kerd.
Heto bîn ra Serekê Teşkîlatê Cinîyan yê Îstanbûlî ya verene Fatma Yavuz zî AKP ra îstîfa kerd.
Çend rojî verî zî Wezîranê AKP yê verênan ra Sadullah Ergînî, Huseyin Çelîkî, Beşîr Atalayî û parlementerê AKP ê verînî Abdullah Başci û Kerîm Aydemîrî partîya xo AKP ra îstîfa kerdbî.