Merkezê Xeberan -Wekîlê HDPyî Omer Faruk Gergerliogluyî eşkera kerd ke Hepisxaneyê Sîncanî de testê vîrusê Korona yê tepişteyê 70 serrî pozîtîf vejîyayo.
Gergerliogluyî hesabê xo yê twitterî de derheqê babete de zanayîş da û vat: ''Heyf ke koguşê C9î yê Hepisxaneyê Sîncanî de hemwelatîyo 70 serre de Korona esta. Mudirî zanayîş da wezaretî.''
Gergerliogluyî parekerdişê xo de Wezaretê Edaletî zî etîket kerd û vat: ''Ma 2 hewteyan ra nata seba na babete xîret kenê la şima bi eşkerayîyan pey goş kenê. Paketa adîle, têdûşte ya hukmî ganî cade bêra akerdene.”