Li Rojhilatê Kurdistanê di nav meha Tîrmeha 2021ê de, herî kêm 20 kesan întihar kiriye ku ji wan 6 kes temenê wan di bin 7 saliyê de bûne.
Li gorî rapora Rêxistina Mafên Mirovan a Hengawê li hejmarek bajarên Rojhilatê Kurdistanê ji destpêka meha Tîrmehê ve herî kêm 20 kesan di bûyerên xwekuştinê de can dane.
Hengawê diyar kiriye ku 6 ji kesên di bûyerên întiharê de can dane 3 keç û 3 kurên temenê wan bin 7 saliyê ne ku di bûyerên întiharê de 9 jin û 11 mêran can daye ku wekî sedem jî pirsgirêkên malbatê û hejarî tê nîşandan.
Li gorî amarên Hengawê bajarên bûyerên xwekuştinê çêbûne ev in:
Li Eyaleta Îlamêi: 1 zilam
Kirmanşah: 6 mirin (2 jin, 4 zilam)
Eyaleta Kurdistan (Senendaj): 1 mirin (jinek)
Urmiye: 12 mirin (6 jin, 6 zilam)
Hengawê daye xuyakirin ku bûyerên întiharê ji ber hejarî, bêkarî, pirsgirêkên malbatî û depresyonê pêk hatine û wan kesan bi çek, xwe daliqandin, standina heban û çekê întihar kirine.