Hemserekê Sendîkaya Kedkaranê Xizmetanê Umûmî û Weşîye (SES) yê Amedî Recep Oruç çarçewaya tehqîqatê KCDyî de tewqîf bi.
Çarçewa tehqîqatê KCDyî de 20ê temmuze de Hemserekê Sendîkaya Kedkaranê Xizmetanê Umûmî û Weşîye (SES) yê Amedî Recep Oruç seba îfade şibi edlîye. Oruç pê waştişê tepiştişî sewqê mehkeme bi.
Oruç îdîaya ''endamîya rêxistine'' ra ame tepiştiş û erşawîya Zîndanê Amedî.
Şubeyê SESî yê Amedî tewitter ser ra derheqê tewqîfbîyayîşê ey de beyanatêk da û va ke: ''Recep Oruç wexto ke semedê îfade şi edlîye ame tepiştene. Îqtîdar xîret keno ke pêro muxalîfanê xo çine bikero. Ma vera na bêhuqûqî sereyê xo nêane war. Gere embazê ma Recep cade vera bidê.''