Hemserekê ÎHDyî Ozturk Turkdogano ke hetê Wezîre Karanê Zereyî yê Tirkî Suleyman Soyluyî ra sey hedef amebi ramojnayene ame destbendkerdene.
Saetanê serê sibayî de vera Komeleya Heqanê Merdiman (ÎHD) û Partîya Demokratîke ya Şaran (HDP) operasyon ameyî kerdene.
Operasyonan de Hemserekê ÎHDyî Ozturk Turkdogan, Vervatoxa Meclîsê Cinîyan ê HDPyî ya Anqera Zeyno Bayramoglu, Endamê Meclîsê Partîye Alî Ozkan, Hemsereka HDPyî ya Eskîşehîrî Şukrîye Ercan, Huseyîn Gehver û Betule Koca ameyî destbendkerdene.
Wezîre Karanê Zereyî yê Tirkî Suleyman Soyluyî badê operasyonê îşxalî yê vera Garê qiseykerdişê xo yê Meclîsî de ÎHD sey 'O ÎHDyo ke mela ganê ci vejîyo' hedef ramojna bi.