Polîsan Mêrdîn de eşt xeylê keyeyan ser û hemşaredarê HDP yê Nisêbînî Ferhat Kût zî tede 5 kesî amey tepiştiş. Heto bîn ra Çarçeweya tehqîqatê Mêrdînî de hemşaredara Bismilî Gulşen Ozere zî amey tepiştiş.
Polîsan Mêrdîn de eşt xeylê keyeyan ser û hemşaredarê HDP yê Nisêbînî Ferhat Kût zî tede 5 kesî amey tepiştiş. Heto bîn ra Çarçeweya tehqîqatê Mêrdînî de hemşaredara Bismilî Gulşen Ozere zî amey tepiştiş.
Polîsan saetanê serê sebiyî de qezayanê Nisêbîn û Qoserî yê Mêrdînî de eşt keyeyan ser, hemşaredarê Partîya Şaran a Demokratîke (HDP) yê Nisêbînî Ferhat Kût, endamê meclîsî Mehmet Emîn Alkan û hemsereka Partîya Herêmanê Demokratîkan (DBP) ya Mêrdînî Leyla Bozkurte destbend kerdî. Ame vatene ke çarçeweya operasyonî de polîsan eşt banê HDP’yî yê Nisêbînî zî ser û cigêrayîş de ban serûbin kerd.
Çarçeweya tehqîqato ke Mêrdîn de ameyo destpêkerdene de hemşaredara Bismilî Gulşen Ozere ewro qezaya Baglarî ya Amedî de amey tepiştiş. Ozera ke ameye neqlê Mudurîya Asayîşî ya Amedî bîye, yeno pawetiş ke uca ra do neqlê Mudurîya Asayîşî ya Mêrdinî biba.