Merkezê Xeberan - Hemşaredarê Awîskî û muhasebekarê şaredarîye yê ke Êlih de sereştişê keyeyan de ameybî tepistiş, tewqîf bîyî ameyî. 7 kesî zî pê şertê kontrolê edlîyî ameyî veradayîş.
Êlih de çarçewa tehqîqatêk de 22ê hezîrane de merkezê şaristan û tay dewan de cendirmeyan eştbi keyeyan ser.
Sereştişê keyeyan de Hemşaredarê Awîskî Hatîce Taş û Osman Karabulut zî tede 24 kesî ameybî tepistiş. Înan ra 14 kesî karê îfadeyî ra dima ameyî veradayîş. 10 kesê bînî zî vizêr erşawîyaybî Edlîyeya Êlihî.
Ê 10 kesan ra Hemşaredarê Awîskî Hatîce Taş û Osman Karabulut, muhasebekarê Şaredarîya Awîskî Bayram Ozalp tewqîf bîyî. 7 kesê bînî zî pê şertê kontrolê edlîyî amey veradayîş.