Bajarê Sûrîye Hama de qasê 100 terorîstê muxalîfî amê kiştene.
Wezaretîya Pawitişî ya Rûsya aşkera kerd ke, dorûverê bajarê Hema de, qasê 100 çekdarê opozîsyonê Sûriye hetê Artêşa Sûriye ra amê kiştene.
Wezaretîya Pawitişî ya Rûsya bi beyanatêk îzeh kerd ke, 2 rojîyo ke qasê 450 terorîstê Tehrîr El Şamî nehîyeya Kfirnbude ke kewena bakurê Hema de hucûmê Artêşa Sûriye kerdê. Dewamê beyanatê Rûsya de îzah bi ke, hêzê rejîmî no hucûm şikit û netîceyê pêrodayîşan de qasê 100 terorîstê Tehrîr El Şamî amê kiştene. Ame vatiş ke, 7 tanq û wesayîtê çekdaranê opozîsyonî zî amê îmhakerdene.