Merkezê Xeberan- Serekê Fransa Emmanuel Macronî aşkera kerd ke, helîkopterêkê eskerî yê Fransa Malî de demê operasyona vera îslamîstanê Ensarudînan de kewto waro.
Macronî îzeh kerd ke, 13 eskerê Fransa ke Helîkopter de bîy merdê.
Heta nika nêno zanayîş ke, no helikopter bi pirodayîşê çekdaranê îslamîstan yan xo bi xo kewto waro.
7 serrîyo ke dewleta Fransa welatê Malî de vera çekdaranê rêxistina îslamî ya radîkal ya bi namê Ensarudîn operasyonane kena.
Rêxistina îslamî ya Ensarudîn a ke sey rêxistina terorî ya El Qaîde ya, wazena Malî de hukmatêk sey Talibanê Afxanîstanî rona.