Hemserekê HDP Sezaî Temellî îdîa keno ke prosesê aştî do newe ra dest pêbiko.
Hemserekê HDP Sezaî Temellî îdîa keno ke prosesê aştî do newe ra dest pêbiko.
La temellî vano, êdî AKP dir dest pêkerdişê prosesê aştî mumkin nîyo. Beno ke prosesê aştî newe ra dest pêbiko la no proses do bê AKP bo.
Hemserekê HDP Sezaî Temelî beşdarê programê kanelêkê Youtubî yê Almanya bi û waşt wa AKP meseleya pêvînayîşanê Îmralî ya ke avukatê ocalanî şinê Îmralî, xo rê nêkero armancê sîyasetê xo. Temelîyî îdîa kerd ke semedê meseleya Kurd do prosesêko newe dest pêbikero la êdî AKP dir nêbo. Temelî va: Bi rastê hetê şarî ra yeno waştene ke prosesê aştî dest pêbikero. Seba ke wa Tirkîya de demokrasî awan bibo wina yew proses lazim o û şert o.
Temelî derheqê weçînayîşê Îstanbulî yo ke hetê Ekrem Îmamogluyî ra amebi qezenckerdiş la hetê YSK ra amebi betalkerdiş û 23ê Hezîrane de do bêro newkerdiş de zî qisê kerd û va: Ma weçînayîşê Îstanbulî sey referandumê demokrasî vinenê. Ma do weçînayîş de newe ra desteg bide Ekrem Îmamoglu.