Merkezê Xeberan- Serekê Pêroyî yê Partîya Heq û Azadiyan (HAK-PAR) Latîf Epozdemîr û îdarekerê partî Lokala Baroya Amedî de rojnamegeran dir amê têhet.
Latîf Epozdemîrî îzeh kerd ke, înan kongreya xo ya 8’ine de qirarê muhîmî girewtî. Epozdemîrî va: Meseleya tewr muhîme ya ke ma mîyanê xo de ser o qisey kerda yewîtîya netewî ya.
Latîf Epozdemîrî wina dewam kerd: Dewletê dinya vera zulmo ke kurdan rê beno bêveng ê. Kes nêeşkeno vernîya azadiya kurdan bigîro. Îran de kurdî yenê dardekerdene, vaşûrê Kurdistanî de referandûmê înan rastê hêrîşî yeno û rojavayê Kurdistanî zî rastê hêrişê hêzan emperyalan yenê. Tirkiya de zî kurdan ser o faşîzm esto.
Ozdemîrî peynî de wina va: Herinda pêrodayîş, zulm û tedayan lazimtîya aştî esta. Sîstemê federasyonî yo ke her cayê dinya de esto gere Tirkîya de zî bibo. Kurdî encax eşkenî bi rûhê yewitîya netewî vernîya hêrişan bigîrê. Yewitîya Kudan zaf muhîm a.