Merkezê Xeberan- Bi mîyancîtîya Tirkîya û Rûsya roja dişemeyî Moskova de muzakere amebi dest pêkerdbi la netîce nêame girewtiş.
Şefê hukmatê Trablusî Fayez El Sarac û Hafter roja dişemeyî şîbî Moskova.
Goreyê televîzyonê El Arabîya yê Dubaî Hafterî rîyê Tirkîya ra adirbirnayîş îmza nêkerdo.
Vervatoxa Wezaretê Karanê Teberî yê Rûsya Maria Zaharova zî da zanayîş ke Hafterî verî ke peymanê adirbirnayîşî bêro îmzakerdene masa ra werişto.
Dima ke serra 2011î de rejîmê Muhammed Kaddafîyî hetê NATOyî ra amebi çinkerdene Lîbya de alozîye dest pêkerd. Rojhelatê Lîbya destê Halîfe Hafterî de rojawanê ci zî destê hukmatê Yewîya Neteweyîye de yo.
Helîfe Hafterî nîsana 2019î de Trablus vist destê xo. Hewteyêk ra verî zî şaristano stratejîk Sîrte kewt destê Hafterî.
Dewleta tirke menga teşrîna peyêne de hukmatê Trablusî reyde peymanêk kerde û tezkere qebul kerd Tirkîya bi nê peymanî wazena ke gazê Dengizê Sipî bivisna xo dest.