Qezaya Colemêrgî Gever de 3 gedeyê ke seba honkbîyayîşî kewtî mîyanê awa Berajê Dîlîmlî, awe de xeniqnay û merdî. 3 gedeyan ra 2yê xo birayê yewbînan bîy.
Hedîseya xeniqyayîşî vizêr şan qezaya Geverî, Berajê Dîlîmlîyo ke 10 kîlometre dûrê Geverî de yo de qewimîya.
Di birayê bi namê Orçun û Olcay û merdime înan Mesûd Buyuksu seba ke honik bibê kewtî mîyanê awe la her hîrê zî awe de vindî bibî.
Şewa bîne ra nata seba vînayîşê 3 gedeyan ekîbê xelisnayîşî xebate kenê la gedeyan ra xeberêk nêameybî girewtiş.
Ewro bi xebata awbazan tirmê 3 gedeyan ame vînayîş. Tirmê 3 gedeyan seba otopsîkerdiş wedarîya Nêweşxaneyê Dewlete yê Geverî. Derheqê hedîse de zî tehqîqat dîya dest pêkerdiş.