Êzîdîyê ke bi qerarê mehkema heqê agêrayîşê erdanê xo qezenc kerdê onca zî nêeşkenê abigêrê erdanê xo ser.
Nedîm Erkîşo ke dewa Kelohî ya Batmanî ra xeylê wexto ke koçê Almanya kerdo Teşkîlatê Partîya Azadîya Kurdistanî (PAK) y;ê Batmanî ziyaret kerd.
Nedîm Erkîşî va: Ma xeylê wexto ke bi zorî erdê xo, warê xo ra koç kerd. Ma ra pey dest ronîya erdanê ma ser. Ma nika kenê ke agêre erdanê xo ser o la ma nêeşkenê. Êyê ke ma ra pey dest ronayê erdanê ma ser o nêverdenê ma abigêre û dewa ma ra nêşinê. Semedo ke ma meseleya mîyanê xo safî bi ke çi destê ma ra ame ma kerd. La ma nêeşkê çîyêk safî bike. Ma zî seba erdanê xo şî mehkema û dewa akerde. Netîceyê dewa de qerar ame girewtiş ke a dewe dewa ma yê Êzîdîyan a. La onca zî ma nêeşkenê şore dewa xo. Êyê ke dest ronayê dewa ma ser dewa ma ra nêvejîyenê.