Merkezê Xeberan- Fermandarê Pêroyî yê Hêzê Sûriyeya Demokratîke (HSD) General Mazlûm Kobanî hesabê xo yê Twîtterî se ra aşkere kerd ke, teyarayê Tirkîya herêma Kobanî de yew keye ra 7 kesî kiştî û va: Tirkîya bi îddîayê kiştişê 7 terorîstan, nêzdîyê Kobanî de bi dronan keyeyêk qetl kerd.”
General Mazlûm Kobanî dewamê twîtê xo de va, “Garantorê adirbestî Amerîka û Rûsya, vera qetlîamenê Tirkîya mesul ê û gere domananê ma bipawê. Ma venga Amerîka û Rûsya danê ke wa Tirkîya vindarnê.”
Wezaretîya Pawitişî yê Tirkîya vizêr beyanatêk dabî û îddîa kerdbî ke teyarayê înan nêzdîyê Kobanî de şervanê YPG kiştê.