Merkezê Xeberan- General Mazlum Kobanî vano: Pêameyîşê adirbesî ra nata 182 şervanê ma şehîd bîyî, 30 hezar sîvîlî zî mecbur mendî ke erdê xo ser ra koç bikê.
Mazlum Kobanê hesabê xo yê Twitterî ser ra beyanat da û wina va: Her çiqas adirbes ameyo îlankerdiş zî, çekdarê ke Tirkîya verdaya Rojava ser hêrişanê xo domnenê. Pêameyîşê adirbesî ra nata 182 şervanê ma şehîd bîyî, 30 hezar sîvîlî zî mecbur mendî ke erdê xo ser ra koç bikê. 1100 km² erdê ma ame îşgalkerdene.
General Mazlum Kobanî da zanayîş ke, seba ke wa şarê ma nêro kiştiş, erdê xo canêverdo ma adirbes qebûl kerd. La Tirkîya û çekdarê ke seba aye ma dir şer kenî gorê pêameyîş yan zî adirbes nêşîy.