Bê Şaredarîya Amedî, keyepelê şaredariyanê bînan ê HDP de xizmetê zafziwanî çin o. Keyepelanê şaredarîyan tenya bi ziwanê tirkî weşan kenê. Hemşaredarê HDPî her çiqas weçînayîşî ra ver behsê zafziwanî kerde zî la hema zî dest pênêkerdê. Mabên ra 3 aşmî vîyartî.
Nê rojanê peyênen de şaredarê AKP ê herême tabeleyanê bi kurdkî anê war û naye ser nîqaşê zafziwanî dest pêkerd. Şaredariyê HDP her tim behsê zafziwanî kenê. La keyepelanê şaredarîyan de ame vînayîş ke, tenya bi ziwanê Tirkî weşan kenê û ca nêdanê ziwanî şarî Kurdkî.
Mîyanê 8 şaredariyanê HDP de tenya Şaredarîya Dîyarbekirî ca daya 2 ziwanan. Şaredariya Amedî ca daya Tirkî û Kurdî. La ca nêdaya ziwanê ermenî, suryanî û ê bînan. Weçînayîşê meheli se ra 3 mengî vîyartî la Şaredariya Wanî, Şaredariya Merdînî û şaredariyê Êlih, Colemêrg, Qers, Îdir û Sêrtî keyepelanê (web sitesi) ca nêdayê Kurdkî.
Çime: MA