Îdarekarîya Xosere ya Rojavayê Kurdistanî cinî û gedeyanê DAIŞî peyser erşawena welatanê xo.
No derheq de verfekê TEV-DEMî Kemal Akif, Konsulê Ozbekistanî yê Imarata Erebî Elî Şêx Solomov, û heyetêka YPG Herêma Cizîre de beyanatê day û aşkera kerd kerd 148 cinî û gedeyê DAIŞî ê Ozbekistanî teslîmê hukmatê Ozbekistanî bîyî. Nê 148 cinî û tutî Kampê Hol de mendêne.
Verfekê TEV-DEMî Kemal Akifî va: Waştişê Komara Ozbekistanî ser cinî û gedeyê ke destê DAIŞî ra amê azadkerdiş ewro teslîmê îdarekaranê Ozbekistanî bîyî.
Kemal Akîfî îzeh kerd ke 148 kesê ke mîyan de 88 gede û 66 cinî estbî ewro erşawîyayê welatê Ozbekîstanî.
Heto bîn ra welatê Iraqî zî gedeyê tirk ke keyeyê înan Tirkîya de yê teslîmê hukmatê Tirkîya kerd.
Hetê dewleta Iraqî ra no derheq de beyanatêk ame dayîş û wina ame vatiş: 188 gedeyê tirk ke gedeyê terorîstanê DAIŞî yê hetê welatê Iraqî ra teslîmê hukmatê Tirkîya bîyî.
Îdarekerê hukmatê Tirkîya zî vanê: Heme tutî teslîmê ma nêbîyê hema. Qismêk dîyay ma û qismêk zî roşanî ra ver do teslîmê ma bibê.
Vajîyeno ke hema destê dewleta Iraqî de xeylê cinîyê DAIŞî estê û Iraq xo hazir keno ke nê cinîyanê DAIŞî zî teslîmê hukmatê Tirkîya biko.