Wezareta Derve ya Fransayê, di çend rojên dawî de, li derdora beravên Sûriyê kuştina Elewiyan şermezar kir û xwest, ti kes ji ber baweriyên xwe neyên kuştin.
Wezareta Derve ya Fransayê, bi daxuyaniyekê kuştina welatiyên Elewî li Sûriyeyê şermezar kir û ragihand, nabe ti kes ji ber bîr û baweriyên olî û siyasî bên kuştin.
Fransayê daxwaz ji desthilatên nû yên Sûriyeyê kir ku lêkolîneke bêalî bikin û berpirsan ceza bikin.
Li beravên Sûriyeyê aloziyeke mezin ji 6ê Adara 2025an ve berdewam dike ku li parêzgehên Laziqiye û Tertûsê şer û pevçûn di navbera hêzên hikûmeta nû ya Sûriyê û alîgirên rêjîma berê ya Esed de derketine.
Çavdêriya Mafên Mirovan a Sûriyê (SOHR) ragihandiye ku li parêzgehên Laziqiye û Tertûsê di şer aloziyê navbera hêzên ewlehiyê û paşmayên rêjîma Esed de, nêzîkî 600 kesan hatin kuştin, piraniya wan welatiyên sivîl ên Elewî ne.