Merkezê Xeberan - Medyaya Fransa aşkere kerd ke, Fransa de hûmara kesê ke rîyê virusê Korona ra mirenê newe ra zêde bena.
Gorê beyanatê Wezaretîya Weşîye ya Fransa roja Yewşeme rîyê vîrusê Korona ra 70 kesî merdî û la mîyanê 24 saetanê peyînan de 263 kesî merdî.
Wezaretîya Weşîye ya Fransa vana ke, no zêdebîyayîş seba erey aşkere kerdişê merdeyanê vîrusê korona bîyo.
Hukmatê Fransa 11’ê Gulane de dest bi sistkerdişê tedbîranê vîrusê korona kerdbi.
Gorê malumatê Unîversîteya Johns Hopkinsî Fransa de 177,000 kesî bi vîrusê korona kewtê û 26,646 kesî vîrusê korona ra merdî.