Bajarê Fransayî yê Annecyî de kayê Arêyê Kayî yê ‘Zeyîye’ ame kaykerdene.
Koma tîyatroyî ya Arêyê Kayî hetê Merkezê Kulturî yê Elewîyan ra ameye dewetkerdiş. Verê kayî hemserekê Merkezê Kulturî yê Elewîyan ê Clausî Haydar Tuzunî va, “Ma pandemîyî ver demêko dergi ra nat nêameyê têhet. Tayê embazê ma merdê. Ma waşt bêrê têhet û paştî bide yewbînî. Seba keda înan ma koma tîyatroyî rê zaf sipas kenê. Ziwanê ma bine talukeyî de yo. Ma wazenê wa ziwanê ma weş biwano.”
‘Ziwanê xo ra meşermayê, wayîrê ci bivejîyê’
Derhênerê kayî Yilmazcan Şareyî va, “Ma seba ziwanê xo û îtîqadê xo kewtê rayîr. Ma zîyaranê xo rê, kulturê xo rê, erdê xo rê wayîr vejîyenê. Ez şarê ma ra reca kena wa domananê xo de bi ziwanê ma qisey bikerê. Ziwan awe û nane ma yo.”
PÎRHA / PARÎS