Turê diyînî yê weçînayîşanê pêroyîyan ê Fransa de koalîsyonê Serekkomar Emmanuel Macronî ser kewt. Macron mabênê îtîfaqê çepî û raştê radîkalî de teng mend.
Weçînayîşanê pêroyîyan ê Fransa de koalîsyonê Macronî Ensemble (Yewîye) tesmînan ra tayêr 245 kursîyî girewtî. Seba serdestîya parlamentoyî 289 kursîyî lazim bîyî.
Koalîsyonê Yewîya Şarî ya Komelkîye, Ekolojîkê Neweyî (Nupes) yê ke La France Insoumise (LFI), Partîya Sosyalîste (PS), Partîya Kesk-Ekolojîke ya Ewropa (EELV) û Partîya Komunîste ya Fransa ra yenê pê 131 kursîyî girewtî û bi muxalefeto bingeyî.
Partîya raştgîra radîkale RNyî reya verêne gamêka pîle eşte û bi 89 wekîlan kewte parlamentoyî. Partîya Komargere û UDI 74 kursîyî, partîyanê bînan zî 48 kursîyî girewtî.
Ensemble se ra 38,48, Nupesî se ra 31.76, RNyî se ra 17.20 rayî girewtî. Turê diyînî de zî se ra 53.77ê weçinîtoxan raye nêdaye.
Serkêşê Koalîsyonê Nupesî Jean-Luc Melenchonî dîyar kerd ke ê resayî armancê xo yê sîyasîyî û vat: ''Partîya Serekîye bin kewte.''
Partîya yewîya çepe ra LFI ser kewt.