Fîlmê bi kirdkî 'Govenda Alî û Zîn' Festîvala Fîlman a Mîyanneteweyîye ya Dihokî ya 8. de xelatê 'fîlmê tewr weşî' û 'aktrîsa tewr hole' girewtî.
Festîvala Fîlman a Mîyanneteweyîye ya Dihokî ya 8. Başûrê Kurdîstanî de dewam kena.
Çarçewa festîvale de fîlmê bi kirdkî 'Govenda Alî û Zîn' xelata 'fîlmê tewr weşî' ya Federasyonê Rexnegîranê Fîlman ê Mîyanneteweyîyan (FIBRESCI) û xelata 'aktrîsa tewr hole' girewtî.
Fîlm Çewlîg de amebi girewtene û qala têkilîya dadîyêke û lajê kena. Dîrektor û senarîstê fîlmî Mehmet Alî Konar o. Fîlm verî zî Festîvala Fîlman a Altin Koza de xelatî girewtbî.
Mehmet Alî Konarî hesabê xo yê medyaya dîjîtale ser ra pê nê cumleyan xebera xelatan daye: ''8.Festîvala Fîlman a Mîyanneteweyî ya Duhokî de fîlmê ma ‘Govenda Ali û Zîn’ Xelata Federasyona Rexnekaran Fîlman ê FIBRESCI û xelata aktrîsta tewr başe girewtî. Hembazan Destan û Çiman ra…''