Îro di civîna Şûreya Bilind a Leşkerî de Serowezîrê Tirk Binali Yildirim di nav gef/tehdîdan de ku welatê wan Tirkiyê aleqedar dike; Referandûma Serxebûnê ya Başûrê Kurdistanê jî bi nav kirîye.
Li gor malpera resmî ya basbakanlika Tirkiyê; Serokwezîr gotîye, Tirkiye li dijî sê rêxistinên terorîst di heman demê de şer dike; ew sê rêxistin: rêxistina cûdaxwazî ya terorîst, Feto û DEAŞ in. Ew li dijî rêxistina terorîst a cûdaxwazî di salên dawîyê de gelek serkeftî bûne.
Li gor serokwezîrê Tirk cografyaya ku Tirkiyê lê ye rûdanên siyasî, civakî û ewleyî hene û di vê cografyaya dijwar de tehdîdên daxîlî û xarîcî mevzûbaîs in. Fikra referandûma Bakurê Iraqê, Pêşeroja Sûriyê, giravên Egeyê ji wan tehdîdan in.
Herweha di civîna Şûrayê de fermandarên Esmanî, Bejahî û Deryayî yên Tirkiyeyê hatine guhartin û fermandarê Deryayî li derveyê teamuelan hatîye destnîşankirin; ne oramîral a Koramiral Adnan Ozbal tayîn bûye.
Balkêş e, serokwezîrê Tirk referandûma serxwebûnê ya Kurdistana Federe ku di 25 Îlonê de li dar bikeve hin wek fikir telefûz kiriye û vê fikrê jî wek tehdîd bi nav kirîye.