Komîteya Amadekarîye ya Festîvala Kultur û Xoza ya Munzurî bi eşkerayîyêk da zanayîş ke semedo ke waqayê janê Korona şaristan de zaf zêdîyayî festîval ameyo betalkerdene.
Eşkerayîye de vajîya ke Dêrsim de waqayê vîrusê Korona zêdîyayî û varyantê delta zî ameyo tesbîtkerdiş. Komîte va ke, festîval do nufusê şaristanî bizêdîyêne coka semedo ke vernîya tehlukeyî bêro girewtiş înan festîval taloqê serrêna bîyo.
Eşkerayî vajîya ke, Dêrsim de wextêkî ra nata bi bahaneya Korona qedexeyê çalakî û aktîvîteyan yenê caardene û nê qedexeyî hînî bîyî sîstematîk. Komîte vat: ''Festîvala Kultur û Xoza ya Munzurî semedê dêrsimijan rayîrê wayîrvejîyayîşê nasnameyê xo yo. Ma do festîvalê 20. de serrêna reyna seba ke ziwan, kultur, nasname û xozaya xo bipawê bêrê yewca.''