Fermandarê Pêşmergeyanê Roj vano: Ewro beno meşte beno, ma do peynîya peynî abigêre Rojava.
Fermandarê Pêşmergeyanê Roj (Rojava) Muhammed Receb Keyepelê PDKî rê qisey kerd û va:”Seba ke PYD nêverdaya wa Pêşmergeyê Roj bivîyarê Rojava, xetayêka pîle bî. Ma qet nêvato ma do bibê alternatîfê PYD. Ma waşt ke, ma zî wazenê bibê perçeyê hêzêkê Rojavayê Kurdistanî.”
"Amerîka waşt seba agêrayîşê Pêşmergeyanê Roj PYD îkna biko"
Muhammed Recepî dewamê qiseykerdişê xo wina ard:” Amerîka waşt seba ke wa Pêşmergeyê Roj abigêrê Rojava PYD îkna biko. La PYD qebûl nêkerd. Ma zî nêwaş binê banê PYD de şer bike. Ma waşt ma bibê hêzêko ortax.”
"Rojava keyeyê ma, wareyê ma ya"
Fermandarê Pêşmergeyanê Roj Muhammed Recebî wina dewam kerd:” Ma nêwazenê Dêrazor û Reqa de şer bikê. Çimkî ê cayî erdê Kurdistanî nîyê. Ewro beno meşte beno, ma do peynîya peynî abigêre Rojava. Rojava keyeyê ma, wareyê ma ya."