Li Kerkûkê, di encama êrîşa DAIŞê de, 5 Pêşmerge şehîd û birîndar bûn.
Li gor berpirsê eniya Kerkûk – Pirdê yê hêzên Pêşmerge Nurî Heme Elî ji K24ê re diyar kir: ‘‘Pêşmerge di demeke kurt de, piştî 40 deqîqeyan’’ êrîşa DAIŞê têkşikandiye.’’
Nurî Heme Elî destînîşan kir, çekdarên DAIŞê sûd ji valatiya ewlehiyê ya di navbera Pêşmerge û artêşa Iraqê wergirtine û got: ‘‘DAIŞê, di saet 12:00ê şevê êrîşî Pêşmerge kir.’’
Fermandarê Pêşmerge da zanîn, çekdarên DAIŞê ji du aliyan ve li bilindayiyên Zurge Zirav ve êrîş kirine ser çeperên Lîwa ya 10 a Pêşmerge û tenê di çeperekî de ziyanên canî çêbûne.
Herwiha Nurî Heme Elî eşkere kiriye, di encama wê êrîşa DAIŞê de, 3 Pêşmerge şehîd bûne û 2 Pêşmerge jî birîndar bûne û hejmarek zêde ji çekdarên DAIŞê hatine kuştin.
Kerkûk