Weşanxaneyê Nûbiharî seba wendoxanê Kirmancan ferhengo newe çap kerd. Ferheng hetê Şaban Şenateşî ra ameyo hedrekerdiş.
Yewna ferheng kewt hewza Kirmanckî mîyan. Ferhengê Kirmanckî yê neweyî Weşanxaneyê Nûbiharî ra vejîya. Ferheng 2 cîldan ra yeno pê û pêro pîya 2296 rîpel o. Şaban Şenateş par nêweşîya koronayî ver rehmet kerdibi. Şenateş Sewrege ra bi û nîmeyê emrê xo dabi xebatanê Kirmanckî. No ferheng netîceyê xebatanê ey o û wendoxanê Kirmancan rê sey yadîgarî yo.