FEDA ke menga Xizirî fîraz kerd vat: ''Xizir vera zalimî hemrayê mazmûman o. Berê ma bibê Xizirê yewbînan.''
Federasyonê Elewîyan ê Demokratîkan (FEDA) bi eşkerayîyêke menga Xizirî fîraz kerd.
FEDA vist vîrî ke elewîyî menga sibate sey menga Xizîrî ravêrnene û vat: ''Na menge de pîrî Cem rayra benê. Menga paştdayîş û parekerdişî ya. Semedê hetkarîye veng dîyeno Xizirî. Hem semedê Xizirî roje yeno tepiştene hem roja Xizirî yena fîrazkerdene. Yeno bawerkerdene ke hîrê rojanê roje û Xelasî de kesê zerrî pakî Xizîrî vînenê. Coka elewîyî xirabîye ra dûrî vindenê, ehleq û zerrîya pake esas genê.
Bawerîya ma de Xizir vera zalimî hemrayê mazlûman o. No proseso ke berê elewîyan yenê nîşankerdene, vilawekê şerîatî yenê vilakerdene, dersê dînî yê bizorî yenê dayene û mezhebê sunnî û henefî yenê ferzkerdene de berê ma bibê Xizirê yewbînan. Wextê ci yo ke heme wayîrê wijdanî sereberz vajê ''Ma heme elewî yê''. Roje roja yewîye ya.''