Merkezê Xeberan- Hukmatê AKP ewro dest rona yewna Beledîyeya Vakûrê Kurdistanî ser. Şaredarîya Cizîrî ya ke destê HDP de bî, ci rê qeyûm ame tayînkerdene.
Serê sibayî polîsî seba ke teblîgatê wezîfedarkerdişê qeyûmî bidê Hemşaredarê Cizîrî Mehmet Zîrîg şîyî îkametgehê ci.
Komêka polîsan zî şîye îstasyonê wesayîtan ê şaredarîye û nêverda ke wesayîtê çopî bivejîyê. Polîsan waşt ke wa wesayîtê ke zereyî de yê zî wa bêrê ardene. Hemşaredarê Cizîrî Mehmet Zirigî seba ke keye de nêbi, teblîgat dîya muxtar. Polîsan pêroyê rayîrê verê bînaya şaredarîye girewtî.