Xelê wexto ke dewleta Tirkîya dorûverê Efrînî de dês ancena û kena ke Efrîn biko sey hepisxane! Welatîyanê Efrînî yew vîdeo vila kerd û vîdeo de zî aşkera beno ke eskerê Hukmatê Tirkîya bi kepçeyan kewtê mîyanê dewêk û çi yeno înan ver rijnenê û cayo ke yeno talankerdiş ser o dima ra dês yeno viraştene.
Kepçeyê Tirkîya tena bananê şarî talan nêkenê, hêgayanê zeytûnan û hêgayanê remiteyan zî danê kepçeyan ver û kenê dûz. Cayê ke hetê wesayîtanê karî ra yenê dûzkerdene, uca de dima ra dês yeno antene.
8ê Nîsane serra 2019 ra nat eskerê Tirkîya dest ci kerdê ke dorûverê Erfrînî de dês virazê. Na dewa ke hetê kepçeyan ra xirabe bena dewa Cilbil a û 8 Km kewena başûrê rojhilatê Efrînî. Eskerê Tirkîya hetêk ra mal û banê dewijan, embarê înan bi kepçeyan kenenê û hetêk ra hezaran daran bine ra birnenê.
Tirkîya kena ke bajarê Kurdan efrîno ke hetê Tirkîya ra serre û nêmeyo ke ameyo îşgalkerdiş Sûrîye ra cêra biko. Dêso ke Tirkîya dorûverê Efrînî de viarzena berzîya xo 3 metre yo.
Heta nika 350 hezar hemwelatîyê Kurd Efrîn ra rîyê esekranê Tirkîya ra koç kerdê. Hema zî 50 hezar Kurdî dorûverê Efrînî de yê û la Kurdî her roj zulum vînenê.