Hukmatê Ermenistanî aşkere kerd ke, 81 çekdarê Sûrîye yê girêdayîyê Tirkîya şerê mabênê Ermenîstan û Azerbeycanî de ameyê kiştene.
Hukmatê Ermenistanî îzah kerd ke, Tirkîya qasê 4 hezar çekdarê sûrîyeyijî ardê Azerbeycan û nê çekdarî vera Ermenistanî şer kenê.
Heto bîn ra Teşkîlatê Sûrîye yê Heqanê Merdiman zî aşkere kerdbî ke qismêk çekdarê Sultan Murad û Silêman Şah (Emşat) yê girêdayîyê Tirkîya erşawîyay Azerbeycan.
Serserfîrê Ermenistanî yê Moskowî zî aşkere kerd ke, Tirkîya 4 hezar çekdarî bakurê Sûrîye ra erşawitê Azerbaycan.