Serekê Tirkîya Recep Tayyîp Erdogan vano: Eger Ewropa Tirkîya rê ardim nêkero, ma do sînorê xo koçberan rê abike û înan rayke welatanê Ewropa!
Serekê Tirkîya Recep Tayyîp Erdoganî welatê Ewropa tehdîd kerdî. Erdoganî Anqara de îdarekarê AK Partî ê Tirkîya û Vakûrê Kurdistanî dir kombîyayîş kerd û uca de qiseykerdişêk kerd.
Erdoganî qiseykerdişê xo de behsê “herêma asayîşine” kerd û va: Gere welatê Ewropa seba Sûrîye de awankerdişê Herêma Asayîşine ma rê ardim bikerê. Eger Ewropa Tirkîya rê ardim nêkero, ma do sînorê xo koçberan rê abike û înan rayke welatanê Ewropa!
Erdoganî va: Ma do hetanî aşma Êlûle sebir bike û dima ra dest ci, bike ke Vakûrê Sûrîye de herêma asayişine awan bike. ma Ewropa û Amerîka ra vanê Tirkîya rê ardim bikêne. Ma kene ke koçberê ke Tirkîya de bierşawe uca û uca de ca bide înan.
Erdoganî welatê ewropa bi erşawitişê koçberê Sûrîye tehdîd kerd û va: Tirkîya de qasê 3.5 milyon koçberê Sûrîye estê. Ma qayîlê mîlyonêkê înan peyser bierşawe Sûyrîye. Eger Ewropa Tirkîya rê ardim nêkero, ma do sînorê xo koçberan rê abike û înan rayke welatanê Ewropa!