Serekkomarê Tirkîya Recep Tayyîp Erdoganî îstîfaya zamayê xo Berat Albayrakî tesdîq kerde û herinda ci de Lutfî Elvan tayîn kerd.
Wezîrê Ekonomî yê Tirkîya zamayê Erdoganî 8ê teşrîna peyêne de îstîfa kerdbi. Erdoganî bêvengîya derge ra dima îstîfaya zamayê xo tesdîq kerde.
Qesra Erdoganî îstîfa ra 27 saetan dima na eşkerayîye daye: ''Serekkomarîye waştişê efû yê Wezîrê Xazîne û Ekonomî Berat Albayrakî tesdîq kerd.''
Serrekkomarîye da zanayene ke herinda Albayrakî de Wezîro Verên ê Averşîyayîşî Lutfî Elvanî ame tayînkerdene.