Serekomarê Tirkiya Recep Tayîb Erdogan welatê rojava îqaz kerd û va, eger şima “zerrî ra” desteg bidê Tirkiya do aşitî bêra Sûriye.
Serekomarê Tirkiya Receb Tayîb Erdoganî derheqê destpêkê serrgêra şerê Sûriye de, keyepelê Amerîka Bloombergî rê nuşteyêk nuşt.
Erdoganî nuşteyê xo de vano, siyasetê Tirkiya yê semedê Sûriye, destpêkî ra heta nika, nêameyo bedilnayene.
Erdogan vano ke, eger yewperçeyîya erdê Sûriye û yewitîya siyasî nêrê ca û krîzê Sûriyo do nêro çarekerdene.
Erdoganî serekê Amerîka Joe Bidenî ra zî wazeno sozê ke dîyayê Tirkiya wa bêrê ca û semedê Sûrîye Tirkiya de kar biko.
Serekomarê Tirkiya dagirkerdişê qismêk erdê Rojavayê Kurdistanî ser o zî qalî kerd û va: ê cayê “herêmê asayişi î û nîşan danê ke Tirkiya qîmet dana yewperçeyîya erdê Sûriye!”
Erdoganî behsê kurdan û YPG zî kerd û va, gereke welatê rojava û Amerîka fek destegkerdişê YPGî ra veradê û Tirkiya reyde xebate bikê.