Serekê Tirkîya û serekê pêroyî yê AKP Recep Tayyip Erdogan vano: Ma seba Kurdan her çî kerdo, coka welatê ma de çîyêk bi namê meseleya kurd nemendo!
Erdoganî vizêr komêk parlementerê AKP dir kombîyayîş kerd. Kombîyayîş de netîceyê weçînayîşî, siyasetê AKP yê kurdan ser û probleme mîyanê AKP ser o ame qiseykerdiş.
Gorê medyaya Tirkîya, qismêk parlementerê kurd ê ke mîyanê AKP de siyaset kenê, sîyasetê AKP yê vera kurdan rexne kerdê û waştê wa vera kurdan ferq û cîyayî nêrê kerdene.
Vajîyeno ke Erdoganî wina cewabê parlementeranê kurdan dayo: “Ma seba Kurdan her çî kerdo. Coka eke kesêk vajo meseleya kurd esta o wext seke mi rê heqaret kerdo.”
Goro ke vajîya nê cewabê Erdoganî ver parlementerêko kurd vato, ziwano ke AKP vera kurdan xebitnena beno sebebe razînêbîyayîşî.