Berdevkê Serokomariya Tirkiyê, Îbrahîm Kalin di daxuyaniyekê de ragihand, civîna çaralî ya derbarê Sûriyeyê de bi mêvandariya serokê wî welatî Recep Tayyip Erdogan û beşdariya Serokê Rûsyayê Vladimir Putin, Serokê Fransayê Emmaneul Macron û Şêwirmenda Almanyayê Angela Merkel, dê di 27ê Cotmehê de li Stenbolê bê lidarxistin.
Îbrahîm Kalin got, di civîna çaralî ya derbarê Sûriyeyê de dê rewşa medyanî, rêkevtina Idlibê û pêvajoya siyasî ya li Sûriyê bêne gotûbêjkirin.
Kalin herwiha da xuyakirin, di vê lûtkeyê de tê plankirin ku hewldanên hevbeş ên ji bo çareseriyeke hertimî ji krîza Sûriyeyê re bêne nirxandin.