Serekomarê Tirkîya Recep Tayyîp Erdogan reyna va, çîyo bi nameyê “Meseleya kurd” Tirkîya de nêmando.
Serkomarê Tirkîya û serekê AKP, Recep Tayyîp Erdoganî ewro kombîyayîşê koma partîya xo de qisey kerd.
Erdoganî qiseykerdişê xo de behsê xeylê babetan kerd. Ê babetan ra yewe zî meseleya Kurd bî.
Erdoganî meseleya Kurd ser o va, ma her çî kerd. Ma zaf fedakarî kerd la hema zî vanê “meseleya kurd!”. Çi meseleya kurd lo! Min serra 2005î de Diyarbekir de vatbi, nê welatî de meseleya kurd çin a, eger esta zî, mesûlê ci ez a û ez do çareser bikî. Ma çareser kerd zî…
Na hewa ewilî nîya ke Erdogan vano meseleya kurd çin a. Erdoganî heta nika çend hewa bîne zî wîna vatbi.