Serekomarê Tirkîya behsê operasyonê artêşa welatê ey yê tebere sînorî kerd û va “Wa no vîrê şima ra nêşiro, her şehîdêk semedê ma yeno manaya qezenckerdişê ê erdê ucayî.”
Serekomarê Tirkîya û Serekê AKP Recep Tayyîp Erdoganî kongreya rêxistina partiya xo ya 7ine de qalî kerd.
Serekomarê Tirkîya behsê hêzanê welatê xo ê tebere welatî kerd ûva, “Ma Sûrîye û Lîbya de estê, ma Azerbaycan de estê. Ma teberê welatî de xeylî şehîdî dayê. Ma Efrîn û Idlib de şehîd dayê, naye bizanêne ke, ma kamca de şehîd dayê uca erdê ma yo.
Tirkîya heta nika Sûrîye tena erdê ke Kurdî ser o cuyenê rê operasyon kerd û 3 bajarê Kurdan Efrîn, Girê Spî û Serê Kanî pê destegê çekdaranê bi pereyan îşgal kerd.