Erdogan li ser pirsa Kurd: Me ji mêj ve ev pirs çareser kir

.

 Serokomarê Tirkiyê Recep Tayyîp Erdogan derbarê pirsa Kurd de axivî ku van rojan bûye rojeva siyaseta Tirkiyê û got: “Li Tirkiyê pirsa Kurd tune, me ji mêj ve ev pirs çareser kir û qedand.”

Recep Tayyîp Erdogan di roja dawî ya serdana xwe ya Amerîkayê de li New Yorkê ji rojnamevanan re axivî û li ser pirsa Kurd ku ji aliyê Serokê Giştî yê Partiya Komarî ya Gel (CHP) Kemal Kiliçdaroglu û Parlamenterê Wanê yê HDPê Sezai Temelli ve hatibû rojevê, got: “Li Tirkiyê pirsa Kurd tune, me ji mêj ve ev pirs çareser kir û qedand.”

Serokê Giştî yê CHPê Kemal Kiliçdaroglu berî niha ragihandibû ku cihê çareserkirina pirsa Kurd parlamento ye û ew ê pirsa Kurd li gel Partiya Demokratîk a Gelan (HDP) çareser bikin.

Piştî van gotinên Kemal Kiliçdaroglu pirsa Kurd careke din bû rojeveke germ a siyaseta Tirkiyê û nîqaş li ser “muxatab kî ye?” rawestiyan.

Ji aliyê hikûmeta Tirkiyê ve li ser vê nîqaşê helwestek diyar nebûbû, Serokomarê Tirkiyê Recep Tayyîp Erdogan li New Yorkê li ser vê mijarê axivî û helwesta xwe eşkere kir.

Erdogan bal kişand ser nîqaşên derbarê pirsa Kurd de û got, “Li Tirkiyê pirseke bi vî rengî tune ye. Me ji mêj ve ev kar qedandiye, derbas kiriye û xilas kiriye.”

Siyaset Haberleri

Sûriyeyê bangî Tirkiyeyê kir: Piştgiriyê nede terorîzmê
RAPOR: Sûriye yek ji 10 welatên herî birçî yên cîhanê ye
Kurd-Kavî ra serrgêra 1938î de Dêrsim de panel
Îsraîlê êrişî Îranê kir
Helîkoptera leşkerî ket û serokerkanê welat jiyana xwe ji dest da