Serokomarê Tirkiyê Recep Tayyip Erdogan, li ser rakirina qedexeyên bo vîrusa koronayê ragihand ku ji roja Duşemê pê de proseya asayîbûnê dest pê dike.
Erdogan di bernameya pîrozbahiya cejnê ya AKPê de got, "Em ji roja Duşemê pê de proseya asayîkirina bi kontrol didin destpêkirin. Em hurgiliyan piştî civîna kabîneyê eşkere bikin. Niyeta me ew e ku em heta dawiya meha Gulanê bi tedbîr tevbigerin.”
Hêjayî bibîrxistinê ye, ji destpêka meha Remezanê ve ji ber zêdebûna pêketî û mirinên vîrusa koronayê tedbîrên tund ên derketina derve û çûnûhatinê ji bo bajarên Tirkiye û bakurê Kurdistanê hatine danîn ku 17ê Gulanê bidawî dibin.