Serekê Tirkîya Recep Tayyip Erdoganî kombîyayîşê koma partîya xo de qisey kerd û Rojavayê Kurdistanî pê operasyona eskerî tehdîd kerd. Erdoganî va: Çi beno wa wa bibo ma do hêrişê YPG bike.
Serekê Tirkîya û serekê AKP Recep Tayyip Erdoganî ewro kombîyayîşê koma partîya xo de Rojavayê Kurdistanî pê operasyona eskerî tehdîd kerd.
Erdoganî wina va: Amerîka dir seba ‘herêma asayîşine’ pêvînayîşê ma dewam keno. Ma do “korîdorê terorî” îmha bike. Ma xo seba YPG, Minbic û Rojhilatê Firatî hazir kerdo.”
Erdoganî wina dewam kerd, “Ma semedê Minbic û Rojhilatê Firatî xo hazir kerdo. Ma do cayanê YPG êyê ke Rojhilatê Firatî de ca gênê îmha bikê. Gere Kurd, Ereb û Tirkmenê ke vakurê Sûrîye de yê desteg bide ma YPG dişmenê ma pêrune ya.”
Serekkomarê Tirkiya, YPG sey “dişmenê Tirkîya” nişan da û welatanê Ewropa va: Qey şima sîleh û cepxane danê Kurdan? Erdoganî va “Wa YPG xo seba operasyona Tirkîya hadre biko.”