Merkezê Xeberan- Çend rojî verî Îdarekarîya Xosere ya Rojava beyanatêk dabî û vatbî, Vernîya ENKS de seba falîyetê sîyasî astengî çin ya û ENKS zî vera nê beyanatî, beyanatê pêkerdişî dabî.
‘Hepsîyê sîyasî hema zî nêameyê veradayîş’
Endamê Konseya Serekîye yê ENKS Faysal Yusifî derheqê nê bîyayîşan de beyanat da û wina va: Vengdayîşê General mazlum Kobanî û beyanatê Îdarekarîya Xosere ya Rojava muhîm ê. Seba dîyalogî nê bîyayîşî qîmetin ê û çi destê ma ra bêro ma do bike. La hema gamêk nêameya eştiş.
‘Tayn kesî dîyalogî asteng kenî’
Faysal Fusifî va ke, Seba yewîya netewî ENKS hetanî nika gamê cîdî eştî. La tayn kesê ke mîyanê PYD de ca gênê nêwazenê wa mabênê ma û Îdarekarîya Xosere ya Rojava de diyalog bêro ronayîş û ma bêrê têhet.