ENKSê bersiv da banga Mezlûm Ebdî: Erênî ye, em hêvî dikin rûpeleke nû vebe

.

Serokê Encûmena Niştimanî ya Kurdî ya li Sûriyê (ENKS),Siûd Mela li ser banga Mezlûm Ebdî ya bo vegera li dîyaloga Kurdî-Kurdî û bingehgirtina peymana Duhokê got, “Banga Mezlûm Ebdî ya ji bo destpêkirina diyaloga Kurdî-Kurdî ya li Rojavayê Kurdistanê erênî ye.

Siûd Mela got ku daxuyaniya Fermandarê Giştî yê HSDê Mezlûm Ebdî erênî ye û ew hêvî dikin, ev daxuyanî dawiyê li nakokiyên di navbera ENKS û PYNKê de bîne.

Mela hêvî kir ku bi van daxuyaniyên Mezlûm Ebdî rûpeleke nû di navbera ENKS û PYNKê de vebe û herdu alî bi rihê birayetî kar bikin.

Serokê ENKSê ji Rûdawê re daye xuyakirin, ew bi hêvî ne nakokî û nexweşiyên berê yên di navbera aliyan de çareser bibin û dûbare nebin û danûstandinên wan bi PYNKê re careke din destpê bikin.

Li aliyê din Endamê Komîteya Pêwendiyên Derve ya ENKSê Siyamend Haco jî diyar kir, peyama Mezlûm Ebdî giring e û ew hêvî dikin Pêşmergeyên Rojava vegerin Rojavayê Kurdistanê.


 

Kurdistan Haberleri

Tenê 10 mamosteyên Kurdî tên tayînkirin!
Serok Barzanî pêşwazî li şandeke Desteya Serokatiya ENKSê kir
.
Reîsî: Îran her tim dostekî mezin ê Îraq û Kurdistanê bûye