Xeylê wexto ke heyeta PYD û ENKS paytaxtê Fransa Parîs de bi organîzatorîya Fransa de kom benê.
Goro ke îdarekaranê ENKS vato; Her di hetê sîyasî teklîfê Fransa qebûl kerdê û programo ke amo viraştene do heta wextêk bikewo falîyet.
Endamê Heyetê Serekîya ENKS Nîmet Dawûd vano: Ma çend madeyan ser o PYD dir pê kerdo. Ma Fransa rê mektubêk erşawit û ma va, ma teklîfê şima qebûl kerdo. PYD zî Fransa rê mektub erşawita û vata; Ma zî teklîfê şima qebûl kerdo. Ma nika dewleta Fransa pawenê. Fransa do mabênê ma û PYD de bibo mîyançî.
Sekreterê Partiya Çep a Demokrat a Kurd Salih Gedoyî zî no derheq de qisê kerd û va; Ewro xebata ke Fransa kena semedê Kurdanê Rojavayê Kurdistanî xebatêka ercîyayî ya. Na xebate do semedê ma zaf feydeyîn bo. Ma Kurdî her çî ra ver gere mîyanê xo de yewîya xo xurt bike.