Engîn Eroglûyo ke cenazeya ci 19 rojan ra dima awa Munzurî de ameye dîyene, dewa ci de bi tewrbîyayîşê hezaran kesan ame definkerdene.
Engîn Eroglûyo ke dewa Şorşwenkî ya qezaya Pulurî ya Dêrsimî de 15’ê Hezîrane de gama ke heywanê xo çerênayêne bibi vînî û 19 rojan ra dima meyîtê ey Torûnobaya qezaya Pulurî de amebi dîyene vizêr dewa ci de ame definkerdene.
Cemxaneyê Munzur Baba yê qezaya Pulurî ya Dêrsimî de semedê Engîn Eroglûyî merasîmê cenaze ame viraştene. Parlamenterê HDP’yî Alîcan Onlu, hemerkê şaredarîye yê qezaye, temsîlkarê rêxistinê cimatê sivîlî û xeylî hemwelatijî tewrê merasîmî bîyî. Dimaye merasîmî Eroglû dewa ci Şorşwenk de ame definkerdene.