Nuştoxa Kurde Gulgeş Deryaspî bi operasyona ke Bedlîs de dîyaybî destpêkerdiş de hetê mehkeme ra amey tewqîfkerdiş.
Bi talîmatê Serdozgerîya Komare ya Bedlîsî, qezayanê merkezê Bedlîsî, Tatwan û Norşîn de roja 25’ê Temmuze operasyonêk de 9 kesî ameybî tepiştiş.
Edebîyatkara Kurde Gulgeş Deryaspî ya ke nînan ra yewe bîye hetê mehkeme ra bi îdîaya “endama organîzasyonî ya” amey tewqîfkerdiş.
Avûkatê Gulgeş Deryaspî Mîmar Onalî va, qerar bi zorî dîyayo û nêheq o .No tehqîqato ke ameyo destpêkerdiş de sûco ke yeno îsnatkerdene nêheq ê û bingeyê înan o huqûqî çin o. Na çarçewa de ma do qerarê tepiştişî yo ke ameyo dayîş rê îtîraz bikerê.”
Endama PEN’ê Mîyanneteweyî û mezûna Beşê Ziwan û Edebîyatê Kurdî yê Unîversîteya Alparslan Mûşî Deryaspî bi nameyê “Tarîya bi Tav”, “Xezal” û “Ez ez nêya” kitabê aye estê. Deryaspîya ke hetê mehkeme ra amey tepiştiş, erşawîya Hepisxaneyê Bedlîsî.